இலங்கை கொடுகடன் தகவல் பணியகத்தில் நாங்கள் எமது அங்கத்துவர்களிடமிருந்து கடன் தகவல்களை சேகரித்து, அத்தரவுகளை வங்கிகள் மற்றும் நிதி நிறுவனங்கள் என்பவற்றுக்கு அவற்றின் வேண்டுகோளின் பேரில் விநியோகம் செய்கின்றேம். இத்தரவுகள் கடன் தகவல் அறிக்கைகள் வடிவில் விநியோகம் செய்யப்படுகின்றன.

ஒரு கடன் தகவல் அறிக்கை தனிநபர்கள் மற்றும் நிறுவனங்கள் தொடர்பான விடயம் சார் தகவல்களை உள்ளடக்குகின்றது. இத்தகவல்கள் பின்வருவனவற்றை உள்ளடக்குகின்றன: பெயர், முகவரி, அடையாள அட்டை இலக்கம் மற்றும் கடன் தொடர்பான விபரங்கள் (கடன் வகை, வழங்கப்பட்ட தொகை உச்ச வரம்பு, நிலுவையில் இருக்கும் தொகை, இறுதியில் புதுப்பிக்கப்பட்ட திகதி மற்றும் அத்தகைய கடனின் நிலை முதலியவை).